Ish-kryeministri Sali Berisha duke folur në konferencën e përjavshme me gazetarët u shpreh se Rama në kundërshtim me ligjin, futi në Parlament policinë dhe SPAK-un.
“Zhvillimet dramatike në Parlament dhe pas Parlamentit janë dëshmi e pakontestueshme e neo-diktaturës së vendosur në Shqipëri. Janë fytyra e vërtetë e regjimit.
Deputetë të opozitës me të drejta të mohuara në mënyrë antikushtetuese nga Rama kanë nisur betejën e tyre parlamentare për rivendosjen e të drejtave të tyre. Këtë betejë e kanë nisur me qëllimin për mos-bojkotin e Parlamentit. Rruga e bojkotit është përjashtuar.
Ata zgjodhën betejën për të drejtat e tyre, është beteja më Kushtetuese e ligjshme dhe më përfaqësuese e këtyre deputetëve. Ata u përballën dje me një situatë banditeske ndaj tyre në Parlament.
Rama urdhëronte me Ballën deputetët e tij që të vërsuleshin kundër deputetëve të opozitës në protestë, Rama me Lindën e tij në Parlament kishte futur në sallën e Kuvendit njerëz të armatosur.
Rama në kundërshtim me ligjin futi në Parlament Polici.
Siguria në Parlament, qytetarët shqiptarë paguajnë me dhjetëra rroga punonjësit e sigurisë së Parlamentit.”, u shpreh Berisha.
Discussion about this post