Kryeministri Edi Rama ka reaguar për kaosin që u shkaktua në Kuvend, ku pritej të diskutohej projektbuxheti 2024. Përmes një postimi, kryeministri shkruan se opozita përdori fjalor rruge në Kuvend, ndërsa në politikë sollën sherr, rrëmujë dhe dhunë.
Ai shton se opozita po shkon pas një ‘të kërkuari nga drejtësia’, duke nënkuptuar kryetarin e PD-së, Sali Berisha.
Reagim i Ramës:
I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur humbje, humbje, humbje… Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i lëshojë derisa të shkërmoqen e të ridalin copa e çika mbi ujë, si mbeturinat e një anijeje të mbytur.
Ndërsa vetë ai sapo shpërtheu zjarri u largua me nxitim.
Lexo edhe:Mes zjarrit dhe kaosit, mazhoranca miratoi pa debat buxhetin 2024
Discussion about this post