Kaosi para ndeshjes të Conference League mes Tiranës dhe turqve të Beshiktashit, në stadiumin “Air Albania”, ka bërë që Federata Europiane e Futbollit (UEFA) të hapë hetim disiplinor për sfidën e luajtur të enjten. Dhe klubi turk ka bërë sot publike pasojat e veprimeve të mbështetësve të tij.
Beshiktashi, nëpërmjet një komunikate zyrtare, bëri të ditur se UEFA kishte vendosur që t’i ndëshkonte me një gjobë të rëndë, ndërsa i kishte dhënë një dorë klubit turk duke ulur nga 2 ndeshje në vetëm 1 pezullimin për Masuakun, i cili u ndëshkua me karton të kuq në atë sfidë.
POSTIMI I KLUBIT TË BESHIKTASH
“Pezullimi për futbollistin tonë Artur Masuaku, i cili mori një karton të kuq në ndeshjen ndaj Tiranës, u reduktua nga 2 ndeshje në 1. Si pasojë, ai do të jetë i gatshëm për ndeshjen e dytë që skuadra do të luajë kundër Neftçi Baku në turin e tretë kualifikues të Ligës së Konferencës.
Për më tepër, për shkak të ngjarjeve në tribunën e miqve gjatë ndeshjes ndaj Tiranës, klubi ynë u gjobit me 40 mijë euro dhe është mbyllur tribuna e tifozëve udhëtues për një ndeshje. Por ky penalitet i fundit u pezullua për dy vite dhe do të hyjë në zbatim nëse shkeljet do të përsëriten”, shkruante klubi i Beshiktashit.
https://www.facebook.com/Besiktas/posts/pfbid0SbFoFA3q4ZYfyFqm3s3XBbVDjBA3ff6VWgoRyW6VumzTQkzibrU6gAYVeXwfvHsbl?__cft__[0]=AZVuG6j2eZLON2IecXXH3izMSkH_ll5zvBtDVEunsOtW5A0NUwTwcl2DLkmLzhwd-tT5_Lu9if7ib-13UhH37cZbpm1VTbCIryewuSTi3IqNnpycmHu6u5jmvynajVC9HV8R4cY_faMyDIosZVSty6X6SDQKTiU5NBRW4hwNf2472_mXmYy9SPo_VvR-pEusOl_k8ouy9s8ZxN4cDMh7yE28&__tn__=%2CO%2CP-R
Tani pritet të mësohet se cili do të jetë ndëshkimi për klubin e Tiranës, pasi kishte probleme dhe me tifozët bardheblu në trazirat që i paraprinë fillimit të ndeshjes./PanoramaSport
Discussion about this post