Deputetja e PD, Ina Zhupa, ka komentuar kaosin që u krijua sot nëpër universitete, të cilët nuk lejonin të futeshin në auditorë studentët e pavaksinuar. Përmes një interviste televizive ajo tha se, kjo shfaqje është e pafalshme dhe se kontrolli i certifikatës te dera nga policës është cenim i privatësisë për studentët. Sipas saj, certifikata duhej të administrohej nga njerëz të certifikuar që janë pjesë e universitetit.
“Ky vit nisi në mënyrën më të keqe të mundshme si rezultat i moskoordinimit dhe çakordimit që ka qeverisja në lidhje me vendimmarrjet që merr për pandeminë dhe arsimin. Sot kemi arritur në absurd, roje privat që kontrollonin certifikata vaksinimi studentëve shqiptar. Nuk është parë në asnjë vend të botës, nuk ka as tagrin as nuk është punësuar atë, por për të ruajtur godinën e shkollës dhe jo për të pasur kontakt në dokumente privat. Studentët u përballën me një gjë që nuk duhet të kishte ndodhur. Sot viti i ri akademik duhet të kishte nisur me një fushatë të fortë sensibilizimi, takimesh, bashkëbisedim të ekspertëve të shëndetësisë me studentët. Duhet të kishte nisur me njerëz të certifikuar që ishin pjesë e universiteteve që mund të administronin edhe certifikatat”, u shpreh Zhupa.
Sipas deputetes së PD-së, marrja e vendimit që vaksina do jetë me detyrim për studentët nuk është marrë në kohë. Ajo tha se, ky vendim duhet të ishte njoftuar më parë që studentët të kishin kohë të informoheshin dhe të vendosnin nëse do e merrnin vaksinën anti-COVID. Zhupa tha se, është katastrofave kjo që po bën qeveria, pasi iu privon studentëve të drejtën e arsimimit.
Ajo ka parashtruar disa pika që PD do bënte pjesë të programit të saj për vaksinimin e studentëve, ku ndër to pikas tamponi falas deri në një moment të dytë sa studentët të bindeshin se vaksinimi nuk është një detyrim por një e mirë për komunitetin. “Që nga fundi i janarit e deri më sot duhet të kishin bërë një strategji për arsimin e lartë dhe duhet të kishin vendosur nëse studentët do i kishin me detyrim për t’iu lënë hapësirë studentëve të informimit por edhe fizike. Fushat bëhet edhe në media edhe nga mekanizmat online. Kjo platformë mund të shfrytëzohej për të bërë një fushatë sensibilizimi. Një urdhër i ministres prevalon të drejtën kushtetuese për tu arsimuar, kjo nuk është normale. Në këtë rast shteti bëhet partner me studentët, për t’iu ofruar edhe teste falas derisa t’iu mbushte mendja që vaksina është diçka e mirë dhe e duhur”, vijoi deputetja.
PD i qëndron akuzave të saj, se qeveria po përdor situatën pandemike për të vjedhur qytetarët dhe degraduar vendin, ndërsa ka bërë me dije më parë se edhe shqetësimin për studentetët ja ka paraqitur OSBE.
