Zëdhënësi i Bashkimit Evropian për Punët e Jashtme dhe Sigurinë, Peter Stano, tha se negociatorët kryesorë të Kosovës dhe Serbisë duhet të shkojnë në Bruksel për t’u takuar dhe diskutuar rreth tensioneve të krijuara në veri.
Stano shkruan se ky do të jetë edhe hapi i parë pozitiv që duhet të ndërmerret për të zgjidhur mosmarrëveshjet.
“Ne jemi atje duke ofruar shërbimin tonë më të mirë dhe vullnetin më të mirë për t’i ndihmuar Kosovën dhe Serbinë. Ne jemi të gatshëm të vazhdojmë ta bëjmë këtë, prandaj përfaqësuesi më i lartë i BE-së, Josep Borrell, dje në deklaratën e tij propozoi takimin e të dy kryenegociatorëve për të ardhur në Bruksel në ditët në vijim si hapi i parë pozitiv për të gjetur zgjidhjet për mosmarrëveshjen diskrete që përshkallëzoi situatën sepse ajo që është urgjente është përshkallëzimi i situatës”.
Ndër të tjera, ai shprehu përkushtimin e BE-së për t’i mbyllur të gjitha çështjet e hapura mes Kosovës dhe Serbisë.
“Që prej se ne kemi rinisur dialogun që është ende duke vazhduar nga viti 2011-të, verën e kaluar ne jemi munduar t’ju bëjmë të qartë të dyja palëve se mënyra e vetme për të arritur të ardhmen evropiane për qytetarët e Kosovës dhe Serbisë arrihet nëpërmjet dialogut të lehtësuar nga Bashikimi Evropian. Ky dialog është objektiv i cili duhet të arritur nëpërmjet kompromisit të lidhur ligjërisht përmbledhës me marrëveshje për normalizimin e marrëdhënieve mes Kosovës dhe Serbisë”, tha Stano.
Stano shprehet se BE po përpiqet të ndihmojë të dyja vendet për të gjetur kompromisin e për t’i dhënë fund mosmarrëveshjeve që kanë mes tyre.
