Guardia di Finanza Italiane e Policia doganore kanë sekuestruar 139 mijë euro cash që në mënyrë ilegale po transferohej nga Italia drejt Shqipërisë.
Paratë u gjetën gjatë një kontroll në Portin e Barit fshehur në motorin e një autobuzi ndërsa po imbarkohej në tragetin e linjës.
Paratë ishin konfeksionuar në pako nga 10 mijë euro të amballazuara me celofan e të fshehura në një fund të dyfishtë krijuar enkas pranë mottorrit.
I marrë në pyetje shoferi i automjetit nuk ka qënë në gjendje të justifikojë prejardhjen e këtij kapitali të gjetur.
Autoritetet financiare theksojnë se kontrollet në pikat kufitare e monitorimi i fluksit financiare janë një nga metodat efikase për të identifikuar kapitalet e paligjshme e që dëmtojnë ekonominë ilegale.
Discussion about this post