Një aksion i policisë serbe në Nish të Serbisë ka rezultuar me sekuestrimin e 520 kilogramëve marihuanë, të ndara në 134 qese, të cilat raportohet se janë gjetur në një automjet mallrash.
Sipas mediave serbe, kjo sasi droge fillimisht kishte mbërritur në Kosovë përmes Shqipërisë, e më pas është transportuar në Serbi, ku ka qenë e destinuar të shitej. Një person ka rënë në prangat e policisë, ku do të dërgohet në Prokurorinë e Lartë Publike në Nish.
Ministri i Punëve të Brendshme në Serbi, Aleksandar Vulin, pas këtij aksioni policor zhvilloi një takim me drejtuesit e policisë serbe, duke marrë merita për “luftën e ashpër kundër drogës”.
Kalimi pa pengesa nëpër pikat kufitare është njëra nga pikat themelore të marrëveshjeve të nënshkruara ndërmjet Shqipërisë, Serbisë dhe Maqedonisë së Veriut, në kuadër të iniciativës së quajtur “Ballkani i Hapur”.
Discussion about this post