Sasi e madhe droge është kapur ditën e sotme në Korçë, ku si pasojë janë arrestuar dy të rinj. Burimet bëjnë me dije se janë sekuestruar K 51,5 kg drogë dhe janë vënë në pranga shtetasit Defrim Bardhushi dhe Elvis Venxha. Mësohet se njëri nga të arrestuarve ka dashur të largohet dhe ka përplasur me mjet, mjetin e policisë ku ka mbetur i lënduar lehtë një prej punonjësve të policisë.
Shërbimet e policisë, në bazë të informacioneve të grumbulluara se shtetasit e mësipërm në bashkëpunim mes tyre, po transportonin një sasi droge, bënë lokalizimin e mjetit tip “Mercedes Benz” me të cilin ata po udhëtonin, në aksin rrugor Korçë-Bilisht. Drejtuesi i mjetit shtetasi Venxha sapo ka konstatuar se ishte nën ndjekjen e policisë, ka tentuar të largohet me shpejtësi duke goditur edhe mjetet e efektivëve, por u kap menjëherë dhe u neutralizua.
Ndërkohë se operacioni vijon, po ashtu edhe kontrolle të shtuara në Korçë, ndërsa priten të tjerë të arrestuar në orët në vijim nga policia e Korçës. Operacioni Restart prej muajsh po zhvillohet në qarkun juglindor, me fokus lëndët narkotike dhe transportin e tyre brenda dhe jashtë vendit.
Discussion about this post