Policia italiane ka arrestuar një 52-vjeçar shqiptar dhe partneren e tij 37-vjeçaren italiane banuese në Abruzzo. Gjatë mesnatës të së shtunës në autostradën Bozen-Sud në Itali, policia ndaloi makinën si shkak i manovrave të rrezikshme që ata bënin në rrugë.
Gjatë kontrollit të makinës u gjetën 15 kilogram kokainë të shpërndarë në 15 pako të mbledhura me qese dhe më pas e vendosur në një valixhe, e cila u zbulua nga qentë e policisë.
Sipas mediave italiane, shqiptari ishte me precedentë penal dhe makina ishte në emër të një shqiptari tjetër të njohur në botën e drogës. Në cilësinë e provës materiale u sekuestrua kokaina dhe nëse do të dilte në treg do të sillte më shumë se 5 milionë euro.
Ndërkohë po vijojnë hetimet, për të zbuluar se nga ku po vinte kokaine dhe ku do të dërgohej.
Discussion about this post