Dy persona janë arrestuar në Mirditë të Lezhës, ndërsa një tjetër është shpallur në kërkim, pasi akuzohen për armëmbajtje pa leje dhe shitje të lëndëve narkotike.
Burime policore bëjnë me dije se arrestimi i Bledar Gjeta dhe Agustin Lika është bërë në vendin e quajtur “Ura e Fanit”, Mirditë.
Personat në fjalë janë kapur duke qarkulluar me automjet, me armë zjarri pa leje dhe doza me lëndë narkotike gati për shitje.
Ndërkohë, është shpallur në kërkim Elidjon Gjoka.
Shërbimet e Policisë kanë lokalizuar dhe ndaluar mjetin e dyshuar tip “Audi” me drejtues Elidjon Gjoka ku gjatë kontrollit kanë gjetur dhe sekuestruar në cilësinë e provës materiale një armë zjarri pistoletë, municion luftarak dhe lëndë të dyshuar narkotike e dyshuar kokainë.
Materialet iu referuan Prokurorisë së Rrethit Gjyqësor Lezhë, për veprime të mëtejshme për veprat penale “Armëmbajtja pa leje” dhe “Prodhimi dhe shitja e narkotikëve”.
Discussion about this post