Policia e Kosovës ka parandaluar sot një rast kontrabandimi me emigrantë, pasi pesë shtetas sirianë kanë tentuar të hyjnë ilegalisht në Kosovë, përmes vendkalimit kufitar të Hanit të Elezit.
Autoritetet policore në pikën kufitare të Hanit të Elezit, rreth orës 10:00 ditën e sotme kanë ndaluar për kontroll një kamion mallrash, i cili vinte nga Turqia përmes Greqisë dhe Maqedonisë së Veriut. Gjatë kontrollit në kamionin e mbyllur janë gjetur 5 emigrantë nga Siria.
Ata nuk kishin dokumente të udhëtimit. Për rastin është njoftuar prokurori dhe në koordinim më të është trajtuar rasti si ‘kontrabanda me emigrantë’.
