Tre shqiptarë, identiteti i të cilëve nuk është bërë i ditur kanë rënë në prangat e Policisë së Luganos në Zvicër, pasi akuzohen për trafik droge.
Një prej tyre dyshohet të ketë qenë dhe ‘truri’ i grupit dhe merrej me organizimin e trafikimit të drogës.
Ata dolën para trupës gjykuese, e cila drejtohej nga Francesca Verda dhe u shpallën fajtorë për akuzën e ngritur kundër tyre.
Bëhet e ditur se 29-vjeçari së bashku me anëtarët e tjerë të grupit kriminal vepronin në zona të ndryshme të vendit dhe në Itali, ku kishin shtrirë aktivitetin kriminal.
Prokurorja paraqiti në Gjykatë provat, që sipas saj faktonin lidhjet e grupit me bandat në Itali me të cilat organizonin dhe transportin e lëndës narkotike kryesisht e llojit kokainë.
Në fund u vendos që njëri prej tyre, konkretisht një 40-vjeçar të dënohet me 5 vite burgim, ndërsa një tjetër i përfshirë 27-vjeçar u dënua me 3 vite e 3 muaj burg. Pas seancës ata u transferuar në burgun e La Stampa.
Discussion about this post