Një 16-vjeçar është arrestuar nga policia e Tiranës pasi i është gjetur armë zjarri brenda shkollës “Loro Boriçi” në Tiranë. Policia ushtroi kontrolle në ambientet e shkollës sportive dhe zbuloi se arma iu gjet të riut e fshehur te dhoma e konviktit.
Policia kishte marrë informacion se i mituri dispononte armë zjarri dhe ka ushtruar kontroll në dhomën e konviktit, ku ai qëndronte. Gjatë kontrollit, policia gjeti mjetin në pjesën e krevatit dhe e ka sekuestruar.
“Specialistët për Hetimin e Krimeve në Komisariatin e Policisë Nr. 5 proceduan penalisht shtetasin K. C., 16 vjeç, për veprën penale “Prodhimi dhe mbajtja pa leje e armëve të gjuetisë dhe sportive”, pasi gjatë kontrollit nga shërbimet e Policisë, i gjetën dhe sekuestruan në cilësinë e provës materiale një pistoletë sportive”, njofton policia.
Discussion about this post