Është kapur në det të hapur anija nga Libia që furnizoi me rreth 50 mijë litra naftë anijen e peshkimit në Durrës.
Burime policore thonë se anija libiane u ndalua nga policia e Vlorës dhe u dërgua për hetim drejt portit të Durrësit.
“EuroNews Albania” ka siguruar foton e mjetit lundrues, i cili erdhi në port me 9 shtetas libianë dhe vetëm 12 mijë litra naftë të mbetur për t’u mundësuar kthimin.
Pjesa tjetër e naftës është përdorur për qëllime biznesi, pasi i është dhënë në ujërat neutrale në afërsi të brigjeve italiane anijes shqiptare.
Sasia e naftës prej 50 mijë litra karburant kontrabandë, u fut në ujërat shqiptare përmes anijes së peshkimit, por që u arrit të kapej nga autoritetet ligjzbatuese.
Discussion about this post