Gjykata penale e Liege në Belgjikë nisi shqyrtimin e dosjes së trafikut të lëndëve narkotike. Për këtë dosje janë gjithsej 29 të pandehur. Çështja u zbulua nga një hetim gjigand në lidhje me përdorimin e një aplikacioni të koduar të mesazheve.
Rasti Sky ECC është emëruar sipas një aplikacioni të koduar të mesazheve që është përdorur nga shumë njerëz të përfshirë në trafikun e drogës. Janë zbuluar rrjete të shumta të trafikut të drogës dhe këto dosje ligjore po shqyrtohen gradualisht nga gjykatat e vendit.
Lexo edhe: Mediat britanike përhapin panik: Të premten pritet fluks i shqiptarëve me gomone
Në Liège, rasti i parë i këtij lloji përfshin 29 të pandehur. Kryesisht të lidhur me plantacione kanabisi dhe trafik kokaine. Gjykata filloi të marrë në pyetje të pandehurit. Të cilët shpjeguan mbjelljen e kulturave që ndonjëherë kërkonin deri në 100,000 euro pajisje.
Dosja ka te beje me plantacioniet e krijuara në Wandre, Beverlo, Waremme, Forest, Seraing, Grivegnée ose Sprimont. Në disa prej këtyre plantacioneve, qiramarrësit iu afruan pronarëve me pretekstin e një tregtie import-eksporti të ushqimeve italiane për të dhënë me qira vendet e kultivimit.
Një nga të pandehurit është një shef i disa kafeneve në Bruksel, i cili ishte i përfshirë në ngritjen e disa kulturave të kanabisit. Një tjetër mjek shqiptar është i përfshirë edhe për kultura të ndryshme. Ai është gjithashtu subjekt i një procedure ekstradimi nga autoritetet zvicerane, si pjesë e një hetimi në vazhdim.
Discussion about this post