Plot 116 kg marihuanë janë sekuestruar gjatë një operacioni të zhvilluar në Athinë. Operacioni është shtrirë në Nea Smyrni dhe Neo Irakleo, ndërsa droga raportohet të jetë gjetur në makinën e një 48-vjeçari shqiptar që punonte si taksi. Gjatë kontrollit në mjetin e tij, policia gjeti 21 pako me 24 kg e 400 gram marijuanë.
Ndërsa në një furgon që drejtohej nga një grek 31 vjeç u gjetën dhe sekuestruan 40 pako me 48 kg e 900 gram marijuanë.
Gjatë kontrollove në banesat, magazinat dhe mjetet e tjera të shqiptarit e grekut, u gjetën dhe sekuestruan edhe 40 kg 190 gram marihuanë si dhe 2 kg e 800 gram hashash i përpunuar, 8 gram kokainë, 3 peshore elektronike, 1050 euro dhe 10 celularë. Me nxjerrjen e drogës në treg, grupi pritej të korrte deri në 700 mijë euro fitime.
Discussion about this post