Kapet drogë në Janinë, arrestohet shoferi dhe pasagjeri shqiptar

Kapet tjetër ngarkesë me drogë në kufirin greko-shqiptar. Operacioni është zhvilluar në Janinë nga policia greke, ndërkohë që është ndaluar një mjet që vinte nga kufiri i gjelbër.

Brenda në mjet janë gjetur dhe sekuestruar 10 pako me 11 kg 400 gram marijuanë. Në pranga kanë përfunduar drejtuesi dhe pasagjeri, shtetas shqiptarë.

Brenda tre ditësh policia greke në Igumenicë dhe Janinë ka sekuestruar rreth 117 kg marijuanë dhe 24.7 gram kokainë.

Nuk dihet ende nëse ka persona të tjerë të përfshirë në këtë veprimtari kriminale.

Pritet që të zbulohen detaje pas marrjes në pyetje të të arrestuarit.