Një 29 vjeçar është vënë në pranga e policisë në Elbasan. I riu u pikas nga punonjësit e policisë në tentativë për të vjedhur kabllot e energjisë elektrike.
I dënuar edhe më parë për vjedhje, gjatë momentit që është kapur në flagrancë, ai ka kanosur efektivët e policisë duke hedhur gurë në drejtim të tyre.
Njoftimi i policisë
Sapo janë njoftuar në mesnatë, se po vidheshin kabllot e energjisë elektrike të një pallati në lagjen “Partizani”, shërbimet e Komisariatit të Policisë Elbasan kanë organizuar punën në kuadër të megaoperacionit “Sundimi i ligjit”, dhe kanë ndërhyrë menjëherë për arrestimin e autorit.
Si rezultat, u arrestua në flagrancë shtetasi 29 vjeçari, banues në Elbasan.
Sapo ka konstatuar mbërritjen e shërbimeve të Policisë, në vendngjarje, ai i ka kanosur ato, me sende të forta (gurë).
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprat penale për veprat penale “Vjedhja”, mbetur në tentativë, dhe “Kanosja për shkak të detyrës”.
Discussion about this post