Një shtetas shqiptar është vënë në prangat e policisë gjatë një operacioni kundër një “organizate të krimit shqiptar” në Viktoria të Australisë, njoftojnë autoritetet lokale.
Më shumë se një ton kanabis është sekuestruar në veriperëndim të Melburnit.
Pesë mandate u ekzekutuan në shtëpitë në Taylors Hill, Greenvale, Taylors Lakes, Deer Park dhe Rockbank, nën një hetim mbi përfshirjen e organizatës në kultivimin dhe trafikimin e kanabisit.
Aksioni antidrogë u drejtua nga njësia speciale “VIPER”, duke çuar në arrestimin e 47-vjeçarit shqiptar, banues në “Taylors Hill”, Ditan Ndreu (Dritan Ndreu), i cili dyshohet se është kreu i kësaj. rrjet kriminal.
Në total janë lëshuar pesë urdhër-arreste, ndërsa gjatë kontrolleve në banesa janë sekuestruar një shumë prej 200 mijë dollarësh.
Policia zbuloi tre shtëpi ku kultivohej drogë, një në Taylor Lakes ku u gjetën 260 bimë kanabis, një tjetër në Deer Park me 185 rrënjë kanabis, një rezidencë në Rockbank me 200 bimë kanabis dhe një pronë në Greenvale” ku u gjetën 100 bimë kanabis.
Policia thotë se sot më 23 gusht është bërë i mundur zbulimi i një tjetër pasurie në “Keilor East”, ku kultivoheshin 180 rrënjë kanabis.
Hetimi filloi në qershor të këtij viti pas lëvizjeve të dyshimta në zonë, thonë prokurorët australianë dhe po vijon identifikimin e personave të tjerë të lidhur me këtë grup kriminal.
Në total u sekuestrua rreth 1 ton kanabis me vlerë afro 5 milionë dollarë.
Discussion about this post