Policia italiane ka arrestuar shqiptar, të cilit iu sekuestrua mbi 1 kilogramë kokainë
Policia e Pistoias, Itali, gjatë vëzhgimeve në terren vuri re një qëndrim të dyshimtë të një 35-vjeçari i cili po udhëtonte me makinën e tij.
Për këtë arsye oficerët e ndaluan shoferin teksa po kthehej në shtëpinë e tij dhe e kontrolluan. Në xhepin e majtë të xhaketës, 35-vjeçari fshihte afërsisht 1200 gram kokainë, të ndarë në 4 blloqe. Përveç lëndës narkotike, ai posedonte edhe 1000 euro para të gatshme.
Menjëherë ai u arrestua, ndërsa rezuloi pas verifikimeve se kishte precedentë të shumtë penalë.
Shqiptari u dërgua në burgun ‘Dogaia’, në pritje të seancës së vlefshmërisë së masës së arrestit.
Ai akuzohet për posedim të lëndëve narkotike me qëllim trafikimin.
Discussion about this post