Kapet me 15 gram kokainë, dënohet me 10 muaj burg i riu shqiptar në Itali

Një 30-vjeçar shqiptar me inicialet L.E. është dënuar me 10 muaj burg në Italia. Mediet e shtetit fqinj shkruajnë se i riu është kapur me 6 pako me 15 gramë kokainë në zonën e L‘Aquila. Bëhet me dije se, ai tentoi të largohej pasi e pikasën efektivët e policisë, por nuk arriti të shpëtonte dhe u prangos.

Ndër të tjera mësohet se, Shqiptari u dërgua në burg dhe sot gjykata ka marrë vendimin që ta dënojë për trafik të lëndëve narkotike. Ndërsa theksohet se hetimet vazhdojnë, pasi dyshimet e para janë që i riu mund të ketë lidhje me ndonjë rrjet të gjerë trafikantësh të lëndëve narkotike.