Një 19-vjeçar shqiptar identiteti i të cilit nuk është bërë ende i ditur është arrestuar në Austri pasi u kap me 15 kg kanabis. Arrestimi i tij u bë gjatë një kontrolli rutinë të policisë në autostradën Innkreis Autobahn të qytetit Wels.
Lidhur me ngjarjen, policia sekuestroi makinën e 19-vjeçarit ndërsa lënda narkotike ishte e ndarë në dy valixhe të mëdha. I riu dyshohet se ishte korrier droge. Nga ana tjetër, ai u kap kur po udhëtonte për në Gjermani, e përcollën lajmin mediat e huaja.
Së fundmi, policia njoftoi ditën e djeshme se ai tashmë është transferuar në burgun e Wels, ndërsa hetimet për të po vazhdojnë.
Discussion about this post