Dyshohet se hyri nga Shqipëria, kapet 30 kg drogë në Greqi, pranga 26-vjeçarit

Një tjetër sasi droge është sekuestruar në Greqi. Mediet greke bëjnë me dije se lënda narkotike dyshohet se ka hyrë në vend nga Shqipëria.

Sipas policisë, 30 kg marijuanë janë kapur në aksin Athinë-Lamia. Droga është gjetur në një mjet që drejtohej nga një shtetas shqiptar 26 vjeç. Po kështu policia greke ka sekuestruar edhe 2 celularë si dhe 310 euro.

Pritet të zbardhen detaje të reja pas marrjes në pyetje të të arrestuarit, ndërsa dyshohet se në këtë veprimtari kriminale fshihen edhe persona të tjerë.