Kapet me 400 litra naftë në Morinë, pranga 30 vjeçarit

Shërbimet e Policisë Kufitare të Qafë Morinës kanë sekuestruar 400 litra naftë dhe kanë arrestuar në flagrancë një 30 vjeçar me iniciale J. N.

Shërbimet e Policisë Kufitare kanë kaluar në vijën e dytë, për kontroll të imtësishëm, automjetin që drejtohej nga 30-vjeçari, ku kanë gjetur 400 litra naftë e dyshuar e kontrabanduar që është sekuestruar në cilësinë e provës materiale, së bashku me automjetin me të cilin transportohej.

Materialet procedurale i kaluan Prokurorisë pranë Gjykatës së Rrethit Gjyqësor Tropojë, për veprime të mëtejshme.