Një shofer kamioni me shtetësi turke është proceduar penalisht nga policia në pikën kufitare të Kapshticës. Policia njoftoi se, gjatë kontrollit të ushtruar në kamionin e drejtuar nga ky shtetas, u gjet e fshehur një çantë krahu që përmbante 27,915 euro dhe 2,935 dollarë. Shoferi, i identifikuar si A. D., 50 vjeç, banues në Stamboll, po tentonte të nxirrte nga Shqipëria këto shuma parash pa i deklaruar në pikën e kalimit kufitar.
Shuma e eurove dhe dollarëve u sekuestrua nga Policia, në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Mosdeklarimi në kufi i të hollave dhe sendeve me vlerë”.
Materialet lidhur me rastin i janë dërguar Prokurorisë pranë Gjykatës së Shkallës së Parë të Juridiksionit të Përgjithshëm në Korçë, për hetime të mëtejshme. Shoferi akuzohet për veprën penale “Mosdeklarimi në kufi i të hollave dhe sendeve me vlerë”.
“Gjatë kontrollit të shërbimeve të Policisë Kufitare të PKK Kapshticë, në vijën e dytë, në kamionin që drejtohej nga 50-vjeçari, u gjet e fshehur në kabinën e kamionit, një çantë krahu me 27 915 euro dhe 2935 dollatë, të cilat ky shtetas po tentonte t’i nxirrte nga vendi ynë, pa i deklaruar në pikën e kalimit kufitar”, thuhet në njoftimin e policisë.
Discussion about this post