Kapet me armë si mbajtëse çelësash, arrestohet shqiptari

Një shqiptar, 38-vjeçar, u arrestua nga policia greke, pasi u kap me një mbajtëse çelësash që konsiderohet armë, pasi mund të kryejë qitje.

Shqiptari u kap nga një patrullë policie në sheshin “Syntagma” në Athinë, ndërsa tërhoqi vëmendjen e efektivëve, pasi nisi të bënte lëvizje të dyshimta sapo i pikasi.

Gjatë kontrollit, të riut iu gjet në xhep mbajtësja e çelësave, me dy fishekë. Policia e klasifikoi atë si një armë zjarri që mund të kryeje qitje, duke arrestuar në kushtet e flagrancës shqiptarin.

Tashmë ai do të përballet me organet e drejtësisë për të dhënë më shumë shpjegime.