Vijon kontrolli i territorit, me qëllim parandalimin, evidentimin dhe goditjen e veprimtarisë kriminale në fushën e kultivimit të bimëve narkotike. Evidentohet dhe goditet një rast i kultivimit të bimëve narkotike, në fshatin Miricë, Memaliaj. Policia po punon për identifikimin dhe kapjen e autorit/ëve.
Lidhur me ngjarjen procedohet penalisht kryeplaku i fshatit, për shpërdorim detyre dhe moskallëzim krimi.
Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Komisariatit të Policisë Tepelenë, si rezultat i kontrollit të territorit, në fshatin Miricë, Memaliaj, në një zonë të pyllëzuar, gjetën të kultivuara bimë të dyshuara narkotike kanabis sativa, të cilat u asgjësuan.
Në vijim të veprimeve hetimore u procedua penalisht në gjendje të lirë qytetari me inicialet I. M., 61 vjeç, me detyrë kryeplak i fshatit Miricë, Memaliaj.
Vijon puna intensive për identifikimin dhe kapjen e autorit/ve të kultivimit dhe vënien përpara përgjegjësisë ligjore. Së fundmi, materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme lidhur me ngjarjen.
Discussion about this post