Dy të rinj kanë rënë në prangat e policisë së Lezhës pasi janë kapur duke transportuar lëndë narkotike. Mësohet se në pranga përfunduan Roland Lala dhe Kleon Zeneli.
Sipas policisë, gjatë kontrollit në automjetin tip “Opel”, shërbimet e Policisë gjetën dhe sekuestruan në cilësinë e provës materiale 10 thasë me lëndë të dyshuar narkotike kanabis, me peshë totale 36 kilogramë.
Në banesën e Lalës u gjetën dhe sekuestruan 1 armë zjarri kallashnikov, një pistoletë shenjëdhënëse dhe municion luftarak. Materialet procedurale i kaluan Prokurorisë së Rrethit Gjyqësor Lezhë, për veprime të mëtejshme, për veprat penale ”Prodhimi dhe shitja e narkotikëve”, kryer në bashkëpunim dhe “Armëmbajtja pa leje”.
Discussion about this post