Policia e Fierit ka goditur një tjetër rast të kultivimit të lëndëve narkotike dhe armëmbajtjes pa leje. Në Fier gjatë operacionit “Grizë” u arrestuan shtetasit Selman Gropa dhe Valentina Gropa si edhe u shpallën në kërkim shtetasit Elsem Gropa dhe Gazmend Gropa, anëtarë të një familje.
Kjo pasi gjatë kontrollit në banesa u gjetën dhe u sekuestruan në cilësinë e provës materiale 208 gramë lëndë e dyshuar narkotike heroinë, 17.5 kg lëndë e dyshuar narkotike kanabis në proces tharjeje, 1448 fara kanabisi, 3 granata difensive dhe ofensive, 2 armë gjahu pa leje, 391 fishekë luftarak, 3 peshore elektronike dhe 2 pajisje që shërbenin për përpunimin e lëndës narkotike.
Materialet do t’i kalojnë Prokurorisë pranë Gjykatës së Shkallës së Parë Fier, për veprat penale “Kultivimi i bimëve narkotike”, “Prodhimi dhe shitja e lëndëve narkotike”, “Mbajtja pa leje e armëve të gjuetisë” dhe “Mbajtja pa leje e municionit luftarak”.
Discussion about this post