Mbrojtësi i skuadrës së Milanit, Alessio Romagnoli mund të largohet nga kuqezinjtë në fundin e sezonit. Futbollisti Italian luan në “San Siro” prej vitit 2015 dhe kontrata i përfundon në fundin e këtij sezoni. Dëshira e kapitenit është të qëndrojë në skuadër por problem mbetet propozimi i drejtuesve kuq e zi.
Milani është i gatshëm t’i ofrojë zgjatjen e kontratës Romagnolit por me kushtin që të heq dorë nga paga aktuale. Një propozim i cili nuk ka gjetur mbështetjen e futbollistit Italian. Aktualisht bisedimet janë ndalur pasi futbollisti nuk pranon të heq dorë nga paga aktuale. Për Romagnolin ka interesim nga skuadra e Juventusit.
