Kapiteni i i Liverpool, Jordan Henderson ka shprehur shqetësimin e tij se askush nuk po e merr seriozisht mirëqenien e lojtarëve.
Deklarata e tij vjen pasi klubet e Premier League vendosën që të luajnë ndeshjet gjatë festave të fundvitit, pavarësisht se ka pasur një rritje të rasteve me Covid-19 në shumë prej klubeve.
“Unë nuk mendoj se njerëzit mund ta vlerësojnë se sa intensive është derisa ta shohin në të vërtetë nga pikëpamja jonë. Futbolli për ne është gjithçka dhe ne duam të jemi në gjendje të performojmë në nivelin më të lartë sa herë që vendosim këmbë në fushë. Dhe për fat të keq, në këtë periudhë është e vështirë për ta bërë këtë”, tha anglezi për “BBC sport”.
“Mendoj se vendimet merren – sigurisht që ne duam të luajmë, si futbollistë duam të dalim atje dhe të luajmë – por unë jam i shqetësuar për mirëqenien e lojtarëve dhe nuk mendoj se dikush e merr aq seriozisht, veçanërisht në këtë periudhë kur ka shumë raste me Covid”, u shpreh Henderson.
Discussion about this post