Në Durrës kapiteni që po shkëlqen te ekipi i U-18 në basketboll është Panajot Proj. Ky i fundit ka folur në “RTSH Sport”, aty ka shpalosur edhe objektivat e tij për të ardhmen dhe njëkohësisht ka zbuluar idhujt. Nga ish kapiteni i Tiranës, Karaj te ylli i Golden State, Stephen Curry shembujt per Proj janë të ndryshëm.
“Sezoni kulmoi me fitimin e titullit kampion ndërsa meritat shpërndahen edhe me shokët e skuadrës. Kur flitet për të ardhmen talenti i durrsakëve tregon se shkëlqimi i tij nuk ka kaluar pa vëmendje ndërsa ka ngjallur interes deri në Australi, por për shkak të një mos marrëveshje nuk u arrit konkretizimi.
“Trofeu është kënaqësi e madhe pasi arritëm t’ia dalim nga beteja e parë te e fundit. Kemi pasur përballje dhe lëkundje në stërvitje dhe ndeshje. Por të gjithë bashkë ia dolëm deri në fund. Një ditë para gjysmëfinales kam thyer hundën dhe duke parë të arsyeshme se duhet të luaja me patjetër, kam sakrifikuar.
Ne jemi një grup shumë i mirë dhe jemi edukuar me sport që të vegjël. Një nga figurat e basketbollit dhe ikonë që unë pëlqej është Erkand Karaj, ish kapiteni i Tiranës që më ka motivuar. Në NBA? Është ylli Stephen Curry. E ardhmja? Dua të qëndroj tek Teuta.
Enderra e çdo lojtari eshte që të luaj në nivele të larta dhe jashtë Shqipërisë. Kam pasur kontakte nga Australia, por për shkakun e një mos marrëveshje nuk arrita që të shkoj”, tha Proj.
