Partizani është skuadra e parë e Superiores që e ka mbyllur me Europën për këtë edicion. Të kuqtë u eliminuan nga Nome Kalju në Ligën e Konferencës pas humbjes në shtëpi në ndeshjen e kthimit me shifrat 1-0 pas kohëve shtesë.
Pas barazimit 1-1 në ndeshjen e parë, pritej një sfidë më e guximshme nga të kuqtë, të cilët diktuan ritmin dhe krijuan disa raste për shënim, por nuk ia dolën të tundin rrjetën përballë miqve që vetëm mbroheshin. Rastin më të pastër e humbi Skuka, duke shpërdoruar një penallti në pjesën e dytë që mund të afronte kualifikimin.
Kjo bëri që ndesha të shkonte në kohët shtesë dhe siç ndodh zakonisht, skuadra mike me rastin e parë të mirëfilltë, ndëshkoi të kuqtë. Përpjekjet e dëshpëruara të minutave të fundit nuk sollën rezultat e kësisoj, Partizani i dha lamtumirën Europës që në turin e parë të Ligës së Konferencës, përballë një kundërshtari që dukej plotësisht i kalueshëm.
PARTIZANI-NOME KALJU 0-1
104′ Ivanov
104’ Dush i ftohtë për të kuqtë! Miqtë me aksionin e parë të rrjedhshëm sulmues, ia dalin të godasin me Ivanov i cili mposht Qirkon. (VIDEO)
77’ Penallti për Partizanin! Pas një aksioni në qendër, Skuka pengohet nga Tambedou dhe rrëzohet. Gjyqtari bën shenjë nga pika e bardhë. (VIDEO)
Discussion about this post