Agron Kapllanaj i cili ka qënë kryetar i degës së PD në qytetin e Fierit dhe një prej mbështetësve të Lulzim Basha në përplasjet brenda partisë opozitare më të madhe në vend, ka deklaruar për Fax News se janë rikthyer pranë doktorit të gjithë ata që i kanë shkaktuar humbjen PD-së në 25 Prill duke iu referuar Jozefina Topallit dhe Arben Imami.
Kapllanak tha se prezenca e këtyre figurave i ka sjellë dyshime se ata këtë gjë e kanë bërë me miratimin e Berishës.
“Fakti që kanë shkuar në foltoret e tij, do të thotë se ata kanë marrë miratimin e tij. Ose mbase nuk e dinë akoma se nga listat e deputetëve i ka hequr vetë ai”, shprehet Kapllanaj.
I pyetur mbi mungesën e 35 deputetëve të grupit parlamentar të Partisë Demokratike në 30 Prill, Kapllanaj deklaroi se u ndje mirë nga lajmi sepse deputetët e PD-së nuk kanë marrë vota vetëm nga demokratët.
Sipas tij, Kuvendi i mbajtur nga Berisha nuk përfaqëson demokratët sepse ata janë të përfaqësuar nga 35 deputetët që refuzuan të ishin pjesë.
Discussion about this post