Bordi i Transparencës ka vendosur sërish ndryshime në çmimet e karburanteve, duke rritur çmimin e naftës në 197 lekë për litër, vetëm një ditë pasi e kishte ulur atë me 3 lekë.
Dy ditë më parë, nafta tregtohej me 196 lekë/litër. Dje, Bordi vendosi uljen në 193 lekë, ndërsa sot çmimi është rritur me 4 lekë, duke shkuar në 197 lekë/litër. Një lëvizje që për shumë qytetarë duket më shumë si një “lojë” me çmimet sesa një reflektim real i tregut.
Sipas vendimit të datës 9 maj 2026, çmimi i shitjes me pakicë për gazoilin do të jetë jo më shumë se 197 lekë/litër, ndërsa me shumicë 185 lekë/litër. Ndërkohë, benzina do të shitet me pakicë deri në 182 lekë/litër dhe me shumicë në 170 lekë/litër.
Vendimi ka hyrë në fuqi sot në orën 14:00 dhe do të mbetet në fuqi deri në mbledhjen e ardhshme të Bordit.
Discussion about this post