3991 karta SIM, janë kapur nga policia në aeroportin e Rinasit. Këto karta sipas hetuesve dyshohet se përdoren për komunikimet e grupeve kriminale. Kartat janë blerë në Angli pak ditë më parë dhe janë sjellë në Shqipëri me postë urgjente në zonën e ish-bllokut në Tiranë.
Ndërkaq policia ka proceduar penalisht shtetasin M.H,. pasi porosia ka ardhur në adresë të tij.
Në ngarkim të shtetasit M. H., janë ngritur akuzat për veprat penale “Mashtrimi kompjuterik” dhe “Shitja e paautorizuar e kartave SIM”.
Kartat janë aktive me PIN dhe PUK, çka ka bërë që policia të vihet në lëvizje pasi duke u shitur në treg të zi, mund të përdoren për shpërthim të bombave celular, shantazheve, mesazheve në aplikacionet e koduara e thirrjeve nëpërmjet data use.
Discussion about this post