Kartmonedhat e vjetra, ja afati i fundit kur mund t’i këmbeni/ Procedura

Të gjithë qytetarët që mund të kenë ende të disponueshme kartmonedha të emetuara gjatë viteve 90’ duhet të nxitojnë t’i këmbejnë ato në banka.

Afati përfundimtar është 31 dhjetori i 2023, ndërsa pas kësaj date ato dalin të pavlefshme.

Këshilli Mbikqyrës i Bankës së Shqipërisë në vendimarrjen e tij të fundit ka përcaktuar datën 31 Dhjetor 2023 si afatin e fundit për të këmbyer pa kurs ligjor të gjitha kartëmonedhat me vlerë nga 100 deri në 500 Lekë të emetuara nga viti 1991 deri në vitin 1996.

Sipas këtij vendimi, këmbimi i tyre bëhet pranë të githa sporteveleve të bankave të nivelit të dytë dhe gjatë kesaj kohe, nuk do të kenë vlerë të shtuar.

Gjatë viteve të përdorimit të tyre, kartëmonedhat e emëtuara kanë patur të stampuar imazhet e figurave të rëndësishme për historinë e vendit si Ismail Qemali, Fan Noli, Skëndërbeu apo simbolika të tjera të lidhura me modelin e qeverisjes.

Ndërkohë, vitin e kaluar, Banka e Shqipërisë nxorri në treg prerjet e reja të kartëmonedhave me vlerë nga 5-10000 Lekë, elementët e sigurisë së të cilave u implementuan sipas teknologjisë së kohës me qëllim parandalimin e falsifikimit të tyre.