Përveç dëmtimeve, Partizani duhet të bëjë edhe llogaritë për kartonët e verdhë, pasi janë tre lojtarë në kuotën e tri ndëshkimeve dhe në rast se ndëshkohen ndaj Egnatias, do të duhet të mungojnë në sfidën ndaj Dinamos, që është planifikuar pas ndeshjeve të Kombëtares.
Maget Gueje, David Atanaskoski dhe Adnard Mehmeti kanë shkuar në kuotën e tre kartonëve të verdhë. Dy mesfushorët kanë qenë edhe javën e shkuar në këtë kuotë, teksa Atanaskoski u ndëshkua në sfidën ndaj Vllaznisë.
Pas Dinamos, në radhë është derbi ndaj Tiranës dhe kjo me siguri do ta shtojë kujdesin. Gjithsesi, “demat” kanë ditur si t’i përballojnë mungesat këtë sezon.
Discussion about this post