KAS ka pushuar shqyrtimin e ankimit të Levizjes Vetëvendosje për qarkun Lezhë lidhur me rezultatin e zgjedhjeve të 25 prillit. Ky vendim është marrë për shkak se kandidati i propozuar, Iljaz Shehu i cili është ankimuesi për këtë qark, nuk është parqitur në mbledhje, madje ka bërë kërkesë me shkrim duke thënë se nuk është i interesuar ta ndjekë çështjen.
Në ankimin e bërë fillimisht Shehu pretendonte se në shumë fletë votimi është vendosur shenjë nga komisionerët për ti bërë votat të pavlefshme. Ndërkaq vijon shqyrtimi i ankesave për Elbasanin, Korçën dhe Fierin.
Dje KAS rrëzoi kërkesën e PD-AN për shpalljen e pavlefshme dhe përsëritje të zgjedhjeve në qarkun e Tiranës; rrëzimin e kërkesës së kandidatit të pavarur Boiken Abazit, i cili pretendon se i është vjedhur mandati në Tiranë.
