Pas Tiranës dhe Fierit, Komisioni i Ankimeve dhe Sanksioneve vendosi që të rihapë kutitë e votimit që përfshijnë KZAZ 21 dhe KZAZ 22 të qarkut të Durrësit pas pretendimeve të disa prej kandidatëve opozitarë se votat e tyre kanë shkuar për kandidatë të të njëjtit subjekt.
Duke shfrytëzuar hapësirën ligjore proceduriale, me veto të dy anëtarëve të PD-së PD, Elvis Cefa dhe Ledio Braho, KAS mori parasysh pjesërisht disa nga kërkesat, duke vendosur që të rinumërohen kutitë në dy KZAZ-të e qarkut dhe 126 kutitë e diasporës, ndërsa u rrëzua ankimimi me objekt të PD-ADSHM që kërkonte pavlefshmëri rezultati dhe përsëritje të zgjedhjeve në qarkun e Durrësit.
Gjithashtu u pranua pjesërisht kërkesa e kandidatit të PD Aulon Kalaja ku u vendos për rihapjen e 60 kutive, ndërsa ai kishte kërkuar hapjen e të gjitha kutive në qarkun e Durrësit, në mbi 500 qendra votimi.
Discussion about this post