Kastrati nuk lëshon bazën ushtarake, kërkon heqjen e sekuestros për ‘Marina Bay Saranda’

Kastrati Group nuk ka ndërmend të heqë dorë nga baza ushtarake në Sarandë. Kështu, Shoqëria ‘Marina Bay Saranda’, kërkon shfuqizimin e vendimit të Gjykatës së Posaçme Kundër Korrupsionit dhe Krimit të Organizuar për heqjen nga sekuestro peventive të bazës ushtarake të limionit në Sarandë.

Shoqëria i është drejtuar me rekurs Gjykatës së Lartë , ku kërkon heqjen e sekuestros për bazën detare. Baza detare u sekuestrua me urdhër të SPAK.

Gjykata pranoi kërkesën e SPAK, duke e vlerësuar të drejtë pretendimet i institucionit të akuzës, se duhet të ndërpritet kryerja e investimit në fushën e turizmit, apo dhe ndërtime të tjera nga investitori, mbi pronën 696 (Baza Ndihmëse, Limion), për arsye se disponimi lirisht i kësaj prone nga subjektet private, cënon gatishmërinë dhe operacionalitetin e Forcës Detare, operacionalitet i cili duhet të vazhdojë të kryhet nga organi kompetent që është Komanda e Forcës Detare, pa ndërhyrje të subjekteve private”.

Hetimi për këtë çështje nisi pas kallëzimit të ish Zv.Komandantit të Forcës Detare Artur Meçollari, sipas të cilit, dhënia me qera është bërë në shkelje, pasi kjo bazë është pjesë e Planit të Vendosjes dhe te Përhapjes së ushtrise, e për këtë arsye do duhej marrë dhe miratimi i Presidentit të Republikës, në cilësinë e Komandatit të Përgjithshëm të Forcave të armatosura.

Marina Bay Saranda është një bazë e Forcave Detare, pronë e ushtrisë shqiptare e cila në korrik të viti 2020, me vendim të qeverisë, i është dhënë me qira, si pjesë e një territori shumë më të madh, prej mbi 265 mijë metrash katrorë, bashkimit të shoqërive “Concord Investment” sh.p.k. dhe “Kastrati Group” sh.a., përfaqësuar nga shoqëria “Marina Bay Saranda” shpk, si qiramarrës.

Detajet e Çështjes në Gjykatë:

Nr. i çështjes:         60001-00313-00-2023

Tipi:        Penale

Titulli i çështjes:

Dorëzuesi:              SHOQERIA “MARINA BAY SARANDA” SH.P.K

Data e regjistrimit:        16.05.2023

Tipi i çështjes:        Ç.P.Fazën e Hetimit Paraprak

Inicializuar:           Rekurs

Statusi i çështjes:           Regjistrim

Ardhur prej:

Objekti i padisë/akuzës:        Shfuqizimin e vendimit nr. 91, dt. 24.02.2023, i Gjykates se Posacme te Shkalles se Pare per Korrupsionin dhe Krimin e Organizuar dhe i mases se sekuestros preventive te caktuar prej saj.

Baza ligjore:          Nenet 276, 424.3, 425 e vijues te K.Pr.Penale.

Objekti i kundërpadisë:

Baza ligjore e kundërpadisë:

Palët:

Paditës:          SHOQERIA “MARINA BAY SARANDA” SH.P.K