“Kastrati” pa garë edhe në Bashkinë e Tropojës, merr 100 milionë lekë për karburant

Tenderët pa garë tashmë janë kthyer një zakon që shqyrtohen në tryezën e bashkive të vendit, të cilat kur bëhet fjalë për para nuk pyesin për ligj.
Gjithmonë procedurat publike që zhvillohen pa garë, “Open Data” u vë “flamurin e kuq” me mbishkrimin: Mungesë konkurrence.
Këtë herë Bashkia Tropojës me kryetari Rexh Byberi, ka hapur një tender në datën 18 janar 2022 për blerje karburant diezel.

Gijotina.com ka siguruar procedurën e cila mban numrin e referencës REF-17241-01-17-2022, me qëllim blerje karburanti, me fond limit 10.000.000 lekë të reja, ose 100 milionë lekë të vjetra.

Në procedurat publike ka fituar firma e privilegjuar “Kastrati” sh.p.k e vetmja garuese pa asnjë konkurrent tjetër.
Kjo kompani ka qenë e përzgjedhura e shumë bashkive, ku përmendim edhe atë të Shijakut. E njëjta gjë ka ndodhur edhe në tenderin e Bashkisë Tropojë ku “Kastrati” sh.p.k është e vetmja kompani që ka marrë pjesë në garë dhe që është shpallur fituese automatikisht.

Në emër të kësaj kompanie bashkia ka nxjerrë nga arka e shtetit 100 milionë lekë të vjetra për blerje të karburant diezel në një kohë ku vendi është duke u përballur me krizën e rritjes së çmimit të naftës. A.L/ gijotina.com