Shefqet Kastrati nuk mjaftohet me koncesionet e mëdha që merr nga Qeveria, por i ka shtrirë duart edhe në shumicën e bashkive. Shënjestra këtë herë ishte Bashkia Delvinë, e cila i ka dhënë 42 milionë (me TVSH) nga lekët e qytetarëve për blerje karburanti.
Kryetari i Bashkisë, Besmir Veli ka zhvilluar në shtator 2024 tenderin me objekt ‘Blerje karburanti diesel për ndihmë të Bashkisë Delvinë’. Sigurisht që kjo naftë duhet për makinën e Velit dhe punonjësve të tjerë, që i përdorin mjetet më shumë për vete se sa për punët e bashkisë.
Më 4 gusht Veli hapi garën dhe e ka mbyllur më datë 17 shtator, kur është mbajtur procedura e tenderit.
Nuk është lodhur shumë komisioni i Bashkisë për të ndjekur procedurat, pasi në fazën e mbylljes nuk u mbajt asnjë garë. Kjo për shkak se vetëm Kastrati ka dorëzuar një ofertë me vlerë 42 milionë lekë, sa 100% e fondit limit.
Me pranimin e kësaj oferte të shtrenjtë Veli ka bërë shkeljen e parë, pasi ligji kërkon që ofertat të jenë të paktë 25% më poshtë vlerës se fondi limit. Epo kryebashkiakut të Delvinës rrallë i qëllon t’i bëjë nder oligarkut Kastrati! Prandaj ai ka vazhduar me procedurat, edhe pse ligji kërkon që në rast se nuk dorëzohen oferta të përshtatshme, tenderi duhet të anulohet.
Menjëherë i është firmosur kontrata kompanisë së Shefqet Kastratit, e cila në fakt dukshëm ka qenë porositëse e këtij tenderi!
Kontratat është bërë publike më 26 shtator 2024 dhe menjëherë Open Data Albania e ka vlerësuar me ‘Flamur të kuq’ për mungesë konkurrence. Kujtojmë se flamuri përdoret nga monitoruesi si shenjë për të treguar riskun e korrupsionit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post