Jemi vetëm pak javë para fillimit të kampionatit Botëror, “Katar 2022”. Siç dihet shumë trajnerë janë në ankth për gjendjen e lojtarëve të tyre, ndërsa pritet që së shpejti të bëhen publike edhe listat me futbollistët e grumbulluar.
Shumë emra “big” rrezikojnë tashmë seriozisht “Katar 2022”, pasi dëmtimet e marra në ndeshjet e Nations League apo dhe me klubet e tyre kanë bërë me “dhimbje koke” stafet e kombëtareve.
Mediat e huaja kanë krijuar edhe një formacion me 11 lojtarët më të rëndësishëm që rrezikojnë të mos marrin pjesë në Katar 2022. Kështu, në portë është Musso, ndërsa Lucas Hernandez, Araujo, Kimpembe e Oyarzabal plotësojnë emrat e rëndësishëm të mbrojtjes.
Holanda nuk do të ketë të gatshëm në mesfushë Gini Ëijnaldum, që pritet të kthehet pas muajit janar. Edhe N’Golo Kante rrezikon të humbasë botërorin së bashku me Dani Olmo.
Tek Argjentina rrezikojnë Angel Di Maria dhe Paulo Dybala, ndërsa te Portugalia, Diogo Jota. E nëse këta konsiderohen si 11-titullarët më të rëndësishëm që mungojnë, “në stol ulet” Richarlison i Brazilit.
Discussion about this post