Federata e Futbollit të Katarit ka njoftuar afrimin e Carlos Queiroz, si trajner të ri të kombëtares, për të zëvendësuar spanjolin Félix Sánchez, i cili i kurorëzoi ata si kampionë të Azisë në vitin 2019 dhe që i drejtoi gjatë Botërorit të fundit, ku nuk i përmbushi objektivin minimal të tyre duke u eliminuar në fazën e grupeve pa fituar asnjë ndeshje.
Pas Kupës së Botës, Félix la një stol që tani ka gjetur shefin e ri Carlos Queiroz, i cili drejtoi Iranin gjatë Kupës së Botës së fundit. Trajneri portugez ka marrë drejtimin e ekipit të tij të gjashtë të ndryshëm, pasi më parë ka drejtuar Portugalinë, Afrikën e Jugut, Iranin, Kolumbinë dhe Egjiptin. Queiroz njihet mbi të gjitha për aventurën e tij një vjeçare si trajner i Realit të Madridit në sezonin 2003-2004.
Me Los Galacticos, portugezi, përveç triumfit në Superkupën e Spanjës, dështoi në të gjitha kompeticionet, atë sezon, duke e mbyllur kampionatin në vënd të katërt, i eliminuar në Champions League nga AS Monaco si dhe duke humbur në finale përballë Real Zaragoza, Kupën e Mbretit. Duhet thënë se aventura në kryeqytetin spanjoll, u kushtëzua, sipas disa aludimeve, edhe nga ndërhyrjet në skemat taktike të presidentit të klubit, Florentino Perez, i cili, gjithmonë sipas mediave, pretendonte që Queiroz të aktivizonte gjithmonë yjet e ekipit, edhe kur ata nuk ishin në formë.
Discussion about this post