Shteti i Katarit ka për të dërguar plot 10 mijë kontenierë nga Kupa e Botës 2022 për të siguruar strehim për të mbijetuarit e tërmeteve në Turqi.
Vendi i Gjirit tha se kishte planifikuar gjithmonë të dhuronte shtëpitë e lëvizshme. Ato ishin të nevojshme për të ndihmuar në strehimin e disa prej 1.4 milionë tifozëve që zbritën në Katar gjatë turneut më të madh të futbollit.
Një grup fillestar prej 350 kontenierësh u dërguan të dielën, ndërsa të tjerat priten të dërgohen ditët në vijim. Dhjetëra mijëra ndërtesa u shkatërruan ose u dëmtuan rëndë, duke shumë persona jashtë në mot të lagësht dhe të ftohtë.
Katari dhe vendet e tjera të pasura të Gjirit i janë bashkuar përpjekjeve globale për të dërguar ekipe shpëtimtarësh dhe ndihma në Turqi.
Emiratet e Bashkuara Arabe kanë premtuar 100 milionë dollarë dhe Arabia Saudite ka dërguar tetë avionë të ngarkuar me furnizime në Turqi dhe Siri.
Discussion about this post