Një katastrofë natyrore ka shkaktuar tragjedi në Manipur të Indisë. Mësohet se një masiv dheu ka rrëshqitur duke u shkaktuar vdekjen 42 personave. Po ashtu janë zhdukur dhe 20 të tjerë.
Ekipet e shpëtimit po vijojnë punën për gjetjen e trupave të zhdukurve, të cilët ndodheshin në një kantier ndërtimi hekurudhor.
Viktimat ishin kryesisht punëtorë dhe anëtarë të një force vullnetare të Ushtrisë Indiane, ndërsa autoritetet kanë deklaruar se shirat e dendur e kanë bërë të vështirë kërkimin.
Shirat kanë shkaktuar përmbytje të rënda në shtetet verilindore të Indisë, veçanërisht në Assam, Manipur, Meghalaya dhe Tripura.
Ndikimi ka qenë veçanërisht i rëndë në Assam, ku më shumë se 150 njerëz kanë vdekur nga përmbytjet dhe rrëshqitjet e dheut dhe miliona janë zhvendosur.
Qytetarët vendas i thanë BBC-së se kampi i punëtorëve përfshinte një numër punëtorësh nga shtete të tjera, emrat e të cilëve nuk diheshin dhe dokumentet e të cilëve nuk ishin në dispozicion.
Discussion about this post