Një skandal i vërtetë ka ndodhur me mbetjet urbane në Krujë, ku plehrat depozitohen në afërsi të fshatit Halilaj, në liqenin e fshatit. Janë rreth 1 mijë banorë që jetojnë pranë kodrës së krijuar nga mbetjet , që vuajnë çdo ditë pasojat e keq adminsitrimit të situatës së plehrave, ndërsa shprehen se askush nuk ka dëgjuar ankesat e tyre.
Në këtë grumbull mbetjesh që herë pas here digjen, duke shkaktuar një krim mjedisor në të gjithë zonën, mund të gjesh edhe mbetje kafshësh të therura, që mund të përhapin dhe sëmundje të ndryshme, ndërsa Bashkia e Krujës nuk ka ende një reagim zyrtar për shqetësimin e banorëve.
Pamjet e siguruara nga Gijotina.com tregojnë për situatën e pakëndshme nga djegia e mbeturinave pranë fshatit Halilaj, ndërsa banorët thithin ajrin e rëndë nga djegia e tyre.
Rreth dy javë parë e njëjta situatë ka ndodhur edhe në qytetin e Laçit, ku mbetjet janë përfshirë nga flakët dhe qyteti është zgjuar me re tymi.
Discussion about this post