Kate Middleton feston ditëlindjen, Mbreti dhe Mbretëresha e urojnë

Princesha e Uellsit, Kate Middleton, feston sot ditëlindjen. Bashkëshortja e Princit William bën 42 vjeçe.

E në këtë ditë të veçantë për Middleton, ajo ka marrë një urim nga Mbreti dhe Mbretëresha, të cilët kanë postuar një foto të papublikuar më parë.

Teksa kanë shpërndarë një foto të nënës së tre fëmijëve, llogaria zyrtare mbretërore në “Instagram” shkruan krahas saj:

“Duke i uruar Princeshës së Uellsit një ditëlindje të lumtur sot”.

Në foton në fjalë shihet Kate teksa është duke parë vjehrrin e saj, Mbretin Charles, ndërsa pranë tyre janë edhe Princi Eduard dhe Sophie, Dukesha e Edinburgut.

“Daily Mail” shkruan se Mbretëresha e ardhshme ka të ngjarë të ketë një festë të qetë me bashkëshortin e saj Princin William, 41 vjeç, dhe fëmijët Princin George, 10 vjeç, Princeshën Charlotte, 8 vjeç dhe Princin Louis, 5 vjeç, në shtëpinë e tyre në Windsor.

“Duke i uruar Princeshës së Uellsit një ditëlindje të lumtur sot”.