Princesha e Uellsit, Kate Middleton u shfaq në një video të fillimit të Wimbledon duke luajtur tenis me Roger Federer.
Middleton dhe Federer u ftuan në një seancë stërvitore të disa kandidatëve që synonin të zgjidheshin mes 250 djemve dhe vajzave me top.
Kampionati do të mbahet nga data 3 deri më 16 korrik në Londrën Jugperëndimore.
Në video shohim një Kate ndryshe nga ajo që jemi mësuar. Princesha e Uellsit vesh një bluzë të bardhë pa mëngë, një fund të shkurtër tenisi, ndërsa flokët e saj janë të tërhequr bisht.
Kate përshëndet Federerin në fushë dhe bisedon shkurt me të përpara se të hyjë për të garuar në një ndeshje dyshe.
“A do të luajmë tenis?” e pyet Federer. Dhe princesha dëgjohet duke u përgjigjur: “Po, të lutem.”
Discussion about this post